Les mots surlignés font l'objet d'une note
1Monsieur, par la votre du IIIe de ce moys, jay entendu
2le reslogement des compagnies de monsieur de Lisle
3et cappitaine Thomassin, de quoy je suys marry pour
4leur incomodité, mays il vault encores mieulx
5estre loin en Breteine, que nestre rien près. Au demeurant,
6je vous direy, monsieur, que je suys très hayse
7de lambarquement de monsieur de Laval pour
8pour son contentement, esperent aussy quil luy raportera
9grant fruyt et que Notre Seigneur le consservera
10aussy bien là qu’alhieurs. Monsieur d’Ambrun ma script
11que les sieurs d’Ambres et de Crillon les jeunes
12se sont anbarqués aveques luy et quilz luy hont
13promis ne labandoner, quest ung grant contentement
14pour luy. Vous mescripvés aussy quactandiés monsieur
15le president Truchon dens le XVe et quesperiés partir
16pour vous acheminer de ce costé le XXVe. Je vous
17puys asseurer que sy vous y estiés sy bien resseu que
18vous y estes desiré, que vous y seriés mieulx treté que
19vous ne serés ; et vous puys certeynement dire, monsieur,
20que messieurs les jentilhomes de Chamssaur desirent
21grandement, si ladvés pour agreable, vous fère la reverence.
22[v] Veu quil na quelque sursseance à messieurs de la
23court attendent les comissayres et quilz vous
24feront conoistre quil nest rien de plusieurs choses
25que lon ha contre eulx faict antandre et quilz ne
26voldroyent vivre au monde silz ne vous estoyent
27très hobeyssens serviteurs et que sy ly avoyt aultres
28quy plus desirassent vivre soubz lintenssion du
29roy queulx, quilz ne se voldroyent presanter devant
30vous. Sil vous playt vous les hoyrés et peult estre
31que vous en demeurerés plus satisfaict que nen
32adviés oppinion. Lesperence que jay advoyr de
33me fera finir ceste en suppliant Notre Segneur
35vous donner
36monsieur, en parfaicte prosperité, très heureuse et
37très bonne vie et longue. De Rousset, ce XVe de
38sepbre 1571.
39Votre très humble serviteur
40Rousset